АҚШ ва Эрон 45 кунлик сулҳ имкониятларини муҳокама қилмоқда

АҚШ расмийлари, шунингдек, Эрон вакиллари ва минтақадаги воситачилар 45 кунлик эҳтимолий сулҳ шартларини муҳокама қилмоқдалар.

Бу ҳақдаги маълумотни ўз манбаларига таяниб, «Axios» портали тарқатди. Порталнинг қайд этишича, сўнгги кунларда АҚШ Эронга бир нечта таклиф билан чиққан, бироқ уларнинг барчаси рад этилган.

Эндиликда, портал таъкидлаганидек, томонлар воситачилар билан биргаликда низони узил-кесил ҳал қилишга олиб келиши мумкин бўлган 45 кунлик сулҳни муҳокама қилмоқдалар.