АҚШ ҳукумати ноқонуний муҳожирларни қайтариш бўйича депортация рейсини амалга оширди жараённи қўллаб-қувватлагани учун Ўзбекистонга миннатдорлик билдирди.
7 сентябрь куни Америка Қўшма Штатлари Ўзбекистонга депортация рейсини амалга оширди. АҚШнинг Тошкентдаги элчихонаси маълум қилишича, ушбу самолёт орқали мамлакат ҳудудида қонуний қолиш ҳуқуқига эга бўлмаган 39 нафар ўзбекистонлик қайтарилган.
АҚШ расмийлари мазкур рейсни ноқонуний иммиграцияга қарши кураш ҳамда давлат хавфсизлигини таъминлаш бўйича олиб борилаётган доимий чоралар доирасида амалга оширилганини таъкидлади. “АҚШга ноқонуний кириб келган шахслар ҳибсга олинади ва депорт қилинади”, дейилади элчихона баёнотида.
Шунингдек, Қўшма Штатлар Ўзбекистон ҳукуматига депортация жараёнида кўрсатилган ҳамкорлик учун миннатдорлик билдирди. Элчихона бу ҳамкорликни “мамлакатлар ўртасидаги самарали ҳамкорликнинг яққол ифодаси” сифатида қайд этди.
Маълумот учун, АҚШ ва Ўзбекистон ўртасида ноқонуний муҳожирларни қайтариш бўйича мулоқот мунтазам давом этиб келмоқда. Мутахассисларнинг фикрича, бу каби депортация рейслари келгусида ҳам ташкил этилиши мумкин.
Шерзодхон Қудратхўжа Лола Каримовага Ислом Каримовнинг хатоларини эслатди ва балога қолди
"Украина уч қисмга парчаланади..."
Америка Хитойдан зўр эмаслигини тан олди
