Ноқонуний иммиграцияга қарши норозилик намойишлари Англия жанубидаги Портсмутда полиция билан тўқнашувларга айланиб кетди.
Бу ҳақда The Daily Telegraph хабар берди.
Ноқонуний мигрантлар 6 сентябрь куни Англия каналида Британия ҳукумати томонидан ушланган кемадан шаҳарга кўчирилди. Шундан сўнг, Қироллик денгиз флоти базаси жойлашган порт шаҳрида тахминан 500 киши иштирок этган ўз-ўзидан норозилик намойишлари бошланди. Намойишчилар ноқонуний мигрантлар сақланади деб тахмин қилинган портга киришни тўсиб қўйишди.
Улар Порстмутдан мигрантларни ушлаб туриш маркази жойлашган Манстонга кўчирилиши кутилмоқда. Полиция тартибсизликларни бостириш учун қалампир пуркагичидан фойдаланган, аммо намойишчилар кичик қайиқ докига ўтишга муваффақ бўлишган.
Аввалроқ Sky News телеканали Британия ҳукумати томонидан Англия каналида 140 нафар ноқонуний мигрантни олиб кетаётган қайиқ ушлангани ҳақида хабар берган эди. Операцияда қутқарув қайиқлари, вертолёт ва қирғоқ қўриқлаш самолёти иштирок этган.
Тутилган кема Франциянинг шимоли-ғарбий қисмидаги Жобург (Нормандия) коммунасидан Хэмпшир қирғоғига қараб йўл олган эди.
Россияда бир ҳафта ичида касалланганлар сони қарийб 1 миллионга етди
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
