Актёр, режиссёр, бошловчи Алишер Узоқов «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.
Суҳбат давомида Алишер Узоқов турк актёри Бурак Ўзчивитнинг актёрлик маҳорати ҳақида гапирди.
Канн Урганжиўғли Бурак Ўзчивитдан анча яхши актёр. Унинг ролларидан кўриниб турибдики, Рустам ака Канни ‘Барон-2’ га бекорга чақирмаган. Бурак келди, у билан гаплашяпмиз, мени умуман тушунмаяпти. У актёр эмас! ‘Актёрлик сен учун нима? Рол ижро қилсанг нимани ҳис қиласан’, десам, ‘Мухлисларим, фанатларим’ дан бошқасига ўтолмаяпти. У актёр эмас, фақат чиройли йигит, маҳорати бор инсон. У ниманидир ҳис қилиб ўйнашни, ниманидир ҳис қилиб, касал бўлиб қолишни билмайди.
Алишер Узоқов, актёр ва режиссёр
