Афсус! Таниқли актёр коронавирус оқибатида ҳаётдан кўз юмди

Америкалик актёр Марк Блум вафот этди. Бу ҳақда "Mirror" нашри хабар бермоқда.

Актёрнинг ўлимига коронавирус туфайли келиб чиққан асоратлар сабаб бўлгани аниқланди. У 69 ёшда эди.

Актёрнинг вафотини "Playwrights Horizonsтеатр" Нью-Йорк театр компанияси тасдиқлаган. "Марк, бизнинг театримизга, шунингдек, дунёдаги театрлар ва томошабинларга берган барча нарсаларингиз учун ташаккур. Биз сизни соғинамиз”, – дейилади ташкилот баёнотида.

Актёр карьерасини 1983 йилда "Севги изтироблари" фильмидан бошлаган.