15 январдан антибиотиклар фақат электрон рецепт асосида сотилади

Бу ҳақда @SputnikUzbek’да ўтган матбуот анжуманида Uzinfocom директори Руслан Султонов маълум қилди.

Унга кўра, биринчи босқич айнан тизимли таъсирга эга антибиотиклар, синтетик антибактериал препаратлар ҳамда гормонал дори воситаларини қамраб олади.

"Форс-мажор ҳолатларда махсус бланкада (ССВнинг буйруғи билан тасдиқланган) шифокорнинг имзоси ва муҳри қўйилган қоғоз рецептдан фойдаланишга рухсат этилади, бироқ одатий режимда бу препаратлар фақат электрон рецепт асосида берилиши керак", — деган у.