Қашқадарё вилояти ҳокими вазифасини бажарувчи Зойир Мирзаев вилоятдаги, хусусан Қарши шаҳрида йиғилиб қолган мавжуд муаммоларни аниқлаш ва бартараф этиш мақсадида жойларда ўрганишлар олиб бормоқда.
Қашқадарё вилояти ҳокимлиги ахборот хизмати хабарига кўра, куни кеча Зойир Мирзаев кўп қаватли уйларнинг ҳолатини ва ёритиш тизимларини яхшилаш мақсадида тунги ўрганиш олиб борди.
Аҳоли яшаш манзилларга кириб бориб, кўчаларнинг тунги ҳолати, ёритиш имкониятлари борасида мутахассисларга қилиниши керак ишлар бўйича топшириқлар берди.