Украина ва Европа давлатларининг хавфсизлик бўйича маслаҳатчилари сешанба куни кечқурун Майамида келишилган тинчлик режаси лойиҳасини АҚШга тақдим этишни якунлайди.
Бу ҳақда Украина президенти Владимир Зеленский журналистларга маълум қилди.
"Европаликлар ва Украинанинг хавфсизлик бўйича маслаҳатчилари Рустем Умеров олиб келган режанинг сўнгги версияси устида ишлайди. Менимча, режа эртага ёки бугун кечқурун тайёр бўлади. Биз уни қайта кўриб чиқамиз ва АҚШга жўнатамиз", деди у.
Аввалроқ Зеленский урушни тугатиш режаси 20 бандга қисқартирилгани, Украина манфаатларига зид бўлган бандлар олиб ташланганини, бироқ ҳудудий масалаларда ҳали муросага эришилмаганини таъкидлаган эди.
"28 банд бор эди, ҳозир эса 20 та. Бу соҳани қайта тартибга келтирдик ва Украинани очиқдан-очиқ қўллаб-қувватламайдиган фикрлар олиб ташланди. Америка кайфияти, одатда, муроса топиш тарафдори. Албатта, ҳудуд билан боғлиқ мураккаб масалалар бор. У ерда ҳали муросага эришилгани йўқ", - деди у.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Муҳаммад Салоҳ жазоланадиган бўлди
