Олдинроқ Москвадаги квартиралардан бирининг ювиниш хонасида икки нафар аёлнинг жасади ва 3 яшар болакай топилгани ҳақида хабар бергандик. Маълумотларга кўра, ўлган аёллардан бирининг исми Екатерина бўлган.
Фожиа содир бўлган куни Ирина Геннадьевна эри билан дачада бўлган. Аслида, унинг қизи ҳам дугонаси билан дачага бориши керак эди, аммо улар уйда қолишади.
Орадан маълум вақт ўтгач, ўғли Иринага қўшниларнинг шикоят қилаётганини етказади. Бу пайтда оила Иринанинг қизи Екатерина ҳамда унинг дугонасининг ўлганини билишмасди. Бу ҳақда кейин, полиция квартира эшигини бузиб ичкарига киришгач, хабар топишади.
Иккинчи марҳуманинг исми Инна. Аёлларнинг ўлимига заҳарланиш сабаб қилиб кўрсатиляпти. Олдинроқ ортиқча миқдорда қабул қилинган модда сабаб дейилганди.