Бугун мамлакатимизнинг 10 та ҳудудида коронавирус инфекциясидан даволанаётган беморлардан 1 448 нафари соғайди.
Жумладан, беморларнинг 1 104 нафари Тошкент шаҳрида, 256 нафари Тошкент вилоятида, 22 нафари Қашқадарё вилоятида, 21 нафари Самарқанд вилоятида, 17 нафари Сирдарё вилоятида, 10 нафари Андижон вилоятида, 9 нафари Наманган вилоятида, 5 нафар Хоразм вилоятида, 2 нафари Навоий вилоятида ҳамда яна 2 нафари Фарғона вилоятида касалликдан фориғ бўлди.
Шундай қилиб, мана тўрт кундирки, юртимизда коронавирус инфекциясидан соғайганлар сони минг нафардан ошмоқда.
Эслатиб ўтамиз, 11 август куни 1 098 нафар бемор касалликдан фориғ бўлди. 12 август куни мамлакатимизнинг турли ҳудудларида 1 569 нафар бемор тузалиб, соғайганлар кўрсаткичи бўйича рекорд натижа қайд этилган эди. Кеча, 13 август куни эса “COVID-19”дан 1 554 нафар бемор соғайди. Бугунги кунга келиб, юртимизда коронавирус инфекциясидан тузалганлар сони 28 661 нафарга, соғайиш кўрсаткичи эса 84 фоизга етди.
Соғлиқни сақлаш вазирлиги
Жамоатчилик билан алоқалар бўлими.