Юриб кетаётган машинасининг устига ўтириб олган "шоввоз" ёдингиздами? У жазоланди

Машинадан белигача ташқарига чиқиб, уни бошқарган ҳайдовчи маъмурий жавобгарликка тортилди.

Тошкент шаҳар ИИББ хабар қилишича, видеода акс эттирилган кўнгилхушлик қилган ҳайдовчи 22 ёшли Муҳаммадхўжа Ю. эканлиги аниқланди. У 12-дан 13-мартга ўтар тун, тахминан соат 2.50 да Шаҳрисабз кўчасида KIA Optima русумли атвомобилда ҳаракатланган.

Мазкур шахс Ўзбекистон Маъмурий жавобгарлик тўғрисидаги кодексининг 128.5-моддаси ( Транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши ) бўйича маъмурий жавобгарликка тортилди.

Эслатиб ўтамиз, аввалроқ ижтимоий тармоқларда катта тезлик кетаётган машина рулини бошқарувчисиз қолдириб, машина томига ўтириб олган эпчил ҳайдовчи тасвирланган видео кенг тарқалган эди.