Куни кеча, Тошкент шаҳар Яшнобод тумани, Тузел-2 даҳасидаги хонадонлардан бирида истиқомат қилувчи фуқаронинг соғлиги ёмонлашгани сабабли у тез тиббий ёрдамга мурожаат қилган. Воқеа жойига етиб келган шифокорлар беморни уйнинг юқори қаватидан тушириш учун қўшимча куч зарурлигини инобатга олиб, Тошкент шаҳар ФВБга амалий ёрдам кўрсатиш бўйича мурожаат қилган.
Мазкур хабарга асосан ФВВ қутқарувчилари айтилган манзилга етиб бориб, тез тиббий ёрдам ходимлари билан ҳамкорликда фуқарони юқоридан пастга хавфсиз туширилишини таъминлаган. Шундан сўнг бемор шифохонага юборилган.