Бугун 29 март, 2024 йил, жума

O'ZB

Ярим тун даҳшати: Андижонда эркаклар аёл кишининг уйига бостириб кирди

Ярим тун даҳшати: Андижонда эркаклар аёл кишининг уйига бостириб кирди

2021 йилнинг 08 январь куни соат 02:00 ларда икки нафар номаълум шахслар юзларига ниқоб кийиб олган ҳолда  Қўрғонтепа туман Нурли ёғду МФЙ.,да яшовчи 60 ёшли Саходат А.,нинг яшаш хонадонига кириш эшиги ойнасини синдириб, ғайриқонуний равишда кириб, пичоқ билан хонадон эгасига ҳужум қилиб, унга ҳаёт ёки соғлиғи учун хавфли бўлган зўрлик ишлатиб, қўл ва оёқлари ҳамда оғзини скоч ёрдамида боғлаб, қулоқларидаги 1 жуфт нархи 700.000 сўмлик сирғасини, қўлидаги 1 дона нархи 300.000 сўмлик узугини талон-торож қилиб, ҳодиса жойидан номаълум томонга яширинганлар.

Мазкур ҳолат юзасидан  Қўрғонтепа тумани ИИБ ҳузуридаги тергов бўлими томонидан номаълум шахсга нисбатан Ўзбекистон Республикаси Жиноят кодексининг 164-моддаси 3-қисми “в” банди (босқинчилик) билан жиноят иши қўзғатилган.

Олиб борилган тергов ҳаракатлари давомида мазкур жиноятни 26 ёшли Умиджон М. хамда 38 ёшли Мақсаджон А.,лар содир этганлиги аниқланиб, жиноятчиларни бирининг яшаш уйи тинтув қилинганда, жабрланувчига тегишли бўлган 1 жуфт аёллар сирғаси, 1 жуфт қўлқоп ашёвий далил сифатида олинган.

Ҳозирда жиноят иши бўйича Умиджон М. ва Мақсаджон А.,лар гумон қилинувчи тариқасида жалб қилиниб процессуал тартибда ушланганлар.

Ҳозирда дастлабки тергов ҳаракатлари давом этмоқда.

Киритилди: 10:00 19.01.2021. Ўқилди: 7098 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!