Япония ҳукумати жума куни 2025-молия йили учун 730 миллиард долларлик бюджетни тасдиқлади, рекорд даражадаги 55 миллиард доллар мудофаа учун мўлжалланган.
Бу ҳақда Kyodo агентлиги маълум қилди.
Мудофаа харажатлари 8,7 триллион иенага (55 миллиард доллар) етиб, биринчи марта 8 триллион иенадан (51 миллиард доллар) ошди, чунки мамлакат Хитойдаги жадал ҳарбий қурилиш ва Шимолий Кореянинг Россия билан алоқалари кучаяётган бир шароитда минтақавий таҳдидларга жавоб бериш қобилиятини кучайтиришни мақсад қилган", - дея таъкидлайди агентлик.
Хусусан, маблағлар узоқ масофали ракеталарни оммавий ишлаб чиқаришни таъминлаши керак.
Kyodo агентлигининг хабар беришича, Япония мудофаа харажатларини кетма-кет 13 йил давомида оширган.
Бундан ташқари, иқтисодий ривожланишни рағбатлантириш учун Япония Вазирлар Маҳкамаси маблағларни яримўтказгичлар ишлаб чиқариш ва сунъий интеллект технологиялари соҳасига йўналтиради. 640 миллион доллар Япониянинг яримўтказгич компонентларини ишлаб чиқарувчи Рапидусга кетиши керак.
Бироқ, бюджетнинг тахминан учдан бир қисми - мисли кўрилмаган 244 миллиард доллар - ижтимоий таъминотга йўналтирилган. Япония аҳолининг қариши ва туғилиш даражасининг пасайиши билан курашиши керак.
Бироқ, Kyodo эслатишича, октябрдаги парламент сайловларидан кейин Бош вазир Шигеру Ишиба озчилик ҳукуматини бошқарган. Шу муносабат билан, бош вазир мухолифат партияларининг сўровларига жавобан, бюджет лойиҳасини қабул қилиш учун унга тузатишлар киритиши керак бўлиши мумкин.
Учинчи жаҳон уруши айнан қаерда бошланиши айтилди
Қодиров Ўзбекистон раҳбариятини "уйғониш қўнғироғи"дан огоҳлантирди
Озарбайжон жавоб қайтарди
