Хулоса! Коронавируснинг жилови карантинда

Коронавирус пандемиясига қарши самарали кураш чораларидан яна бири карантин қоидаларини ўрнатиш ва унга қатъий амал қилишдир. Карантинга эътибор сусайса, вируснинг кенгроқ тарқалишига шароит туғилади.

Хусусан, эпидемиологик вазият ёмонлашганлиги сабаб, Қозоғистонда ҳукумат яна карантин чораларини кучайтирди. Арманистонда “ниқоб режими” кучайтирилди, юзлаб дўконлар, дорихоналар, гўзаллик салонлари, кафелар ва бошқалар яна ёпилди. Озарбайжонда вазият мураккаблашгани туфайли карантин яна икки хафтага узайтирилди.

АҚШ ва Европада пандемияга қарши кўрилган чораларни таққослаб кўрган америкалик мутахассисларнинг таъкидлашича, кўплаб Европа мамлакатлари чеклов чораларини ўртача 97%, АҚШ эса бундай чораларни атиги 50% киритган. Бу эса АҚШда вируснинг янада кенг тарқалишига олиб келди. Натижада мамлакатда дунёдаги энг ёмон вазият ҳукмрон бўлиб турибди.