Хитойда кучли ёғингарчилик оқибатида камида 12 киши ҳалок бўлди

Сўнгги кунларда Хитойнинг Сичуань провинциясида кузатилган кучли ёғингарчилик ва юзага келган сув тошқинлари оқибатида камида 12 киши ҳалок бўлди, деб хабар беради Sinxua агентлиги.

Маҳаллий ҳукуматнинг маълум қилишича, кучли шамол ва ёғингарчиликлардан сўнг Мяньнин уездида 12 киши ҳалок бўлган ва яна ўн киши бедарак йўқолган. Ихай шаҳарчасида эса сув тошқинларидан кейин тўққиз киши ҳалок бўлган ва етти киши бедарак йўқолгани айилмоқда.

Шунингдек, Гаоян уездида ҳам икки киши ҳалок бўлган ва уч киши йўқолган.

Сичуанга ёпирилган табиий офат жами 10 минг кишига зарар етказган — маҳаллий йўллар автотрассалардан узилиб қолган, сув уйларга шикаст етказган. Фавқулодда хизматлар тумандан 7,7 минг кишини эвакуация қилган.