Хитой хорижий сармояларни жалб қилишда АҚШни ортда қолдирди

Жалб қилинган хорижий сармоялар бўйича Хитой АҚШни ортда қолдирди.

Бу ҳақда “Wall Street Journal” БМТнинг савдо ва ривожланиш бўйича конференциясининг маърузасига таяниб ёзди.

Газетанинг таъкидлашича, 2020 йилда ХХР иқтисодиётига хорижий компанияларнинг тўғридан-тўғри сармоялари 4 фоизга ўсган ва 163 миллиард долларга етган.

Америка иқтисодиётига сармоялар эса 49 фоизга камайиб, 134 миллиард долларни ташкил этган.

Бундан ташқари, газетада ёзилишича, “Adidas” спорт кийимлари бренди ва Американинг “Honeywell International” электрон бошқарув тизимларини ишлаб чиқарувчи компанияси каби бир нечта йирик компаниялар Хитойда ўз иштирокларини кенгайтиришган.