Халқаро рейтингда Ўзбекистон кўрсаткичлари яхшиланди

"World justice project" халқаро ташкилотининг Ҳуқуқ устуворлиги индекси 2025 йилги натижалари эълон қилинди.

Янгиланган рейтингга кўра, Ўзбекистон мазкур рейтингда 3 поғона кўтарилиб, 143 мамлакат орасида 81-ўринни эгаллади.

Индекс 8 та индикаторни:
“Ҳокимият ваколатларининг чекланганлиги”,
“Коррупциянинг мавжуд эмаслиги” ,
“Давлат институтлари фаолиятининг очиқлиги (шаффофлиги)”,
“Асосий ҳуқуқларни ҳимоя қилиш”,
“Тартиб ва хавфсизлик”,
“Ҳуқуқни муҳофаза қилиш”, “Фуқаролик ва жиноий одил судлов” каби индикаторларни ўз ичига олади.

Аҳамиятлиси, индекснинг “Коррупциянинг мавжуд эмаслиги” факторида ҳам мамлакатимиз кўрсаткичида ўсиш қайд этилиб, 0.47 балл билан 67-ўринга кўтарилган.

Таъкидлаш лозимки, мамлакатимизнинг коррупцияга оид ушбу фактордаги кўрсаткичлари сўнгги йиллар давомида кўтарилиб келмоқда (2016 йилда 0.33 балл билан 113 мамлакат орасида 96-ўринни эгаллаган).