Хабибнинг Гэтжи билан жанг учун қанча олгани маълум бўлди

Россиялик жангчи, енгил вазн тоифасида UFC унвони соҳиби Хабиб Нурмагомедов америкалик Жастин Гэтжига қарши жанг учун қанча олгани маълум бўлди, деб хабар берди “Sportekz”.

Жанг UFC 254 доирасида бўлиб ўтди, россиялик иккинчи раунддаёқ рақибини мағлуб этди. Ғалабадан кейин Нурмагомедов ўзининг спортдаги карьерасини тугатаётганини эълон қилди. Зеро, маълум бўлишича, у онасига ўтган ёзда вафот этган отасисиз бошқа жанг қилмасликка ваъда берган.

Қайд этилишича, Нурмагомедов жангдан 3 миллион 90 минг, Гэтжи эса 630 минг доллар ишлаб топган.