Мадриднинг "Реал" клуби ҳужумчиси Винисиус Жуниорнинг уйида ёнғин чиқди. Бу ҳақда Marca нашри хабар бермоқда.
Манбага кўра, ёнғин бугун эрталаб саунада электр симларининг носозлиги туфайли бошланган. Воқеа жойига тезда етиб келган ўт ўчирувчилар ёнғиннинг бошқа хоналарга тарқалишини дарҳол тўхтатди.
Футболчи ўшанда Сеулда Бразилия терма жамоаси сафида эди.
25 ёшли бразилиялик жорий мавсумда 16 та ўйинда 6 та гол урди ва 5 та голли узатмани амалга оширди. Transfermarkt унинг нархини 150 миллион еврога баҳоламоқда.