Венгрия коронавирус тарқалиши сабабли янги кириш чекловларини жорий этди

Венгрия ҳукумати 15 июль, чоршанба кунидан бошлаб мамлакатда давлат чегарасини кесиб ўтишда янги чекловлар жорий этилишини маълум қилди.

Унга кўра, COVID-19 коронавируси билан оғриган беморлар сонининг кўпайиши сабабли «қизил ҳудудда» яшовчи чет элликларнинг Венгрияга кириши тақиқланади.

"Сариқ ҳудудда" яшовчилар эса мамлакатга кириш учун, албатта, 14 кунлик карантинда бўлишлари талаб этилади.

Чегарани кесиб ўтиш учун транзит йўловчилар, юк машиналари ва хизмат сафарига келган фуқаролар учун истисно мавжуд, аммо улар тиббий кўрикдан ўтишлари керак бўлади.