Венесуэла ҳуқуқ-тартибот идоралари мамлакатдаги энг фаол қидирувдаги жиноятчилардан бири, Қуён (Конехо) лақабли Карлос Энрике Гомес Родригесни йўқ қилди, уни қўлга олишда ёрдам бергани учун 1 миллион доллар мукофот пули эълон қилинганди.
Бу ҳақда ички ишлар, адлия ва тинчлик вазири Ремижио Себальос Venezolana de Television телеканалида эфирга узатилган матбуот анжуманида маълум қилди.
Гомес терроризм, қотиллик, товламачилик ва одам ўғирлашда айбланган, деди у.
Ички ишлар вазирлиги раҳбарининг сўзларига кўра, жиноятчи Ирапа (Сукре штати) шаҳридан топилган. У ва жиноий гуруҳнинг бошқа аъзолари қўриқчиларга қаршилик кўрсатишга уринган. Операция натижасида 36 нафар шахс қўлга олиниб, улардан 16 дона ўқотар қурол, 3 мингдан ортиқ ўқ-дорилар, тўққизта енгил автомобил ва 14 дона мотоцикл мусодара қилинди.
“Полиция Венесуэла халқига тинчлик ва осойишталикни кафолатлаш мақсадида Арагуа, Карабобо ва Сукре штатларида уюшган жиноий гуруҳнинг қолган аъзоларини қидиришни давом эттирмоқда”, — дейилади ИИВ хабарида.
Ҳуқуқ-тартибот идоралари феврал ойи ўрталарида Гомесни қўлга олишга ёрдам берганлик учун мукофот эълон қилди. Шу ҳафта бошида президент Николас Мадуро расмийлар жиноятчи ва коррупцияда гумон қилиниб ҳибсга олинган Сантос-Мишелена (Арагуа штати) муниципалитети раҳбари Педро Эрнандес ўртасида алоқалар аниқланганини маълум қилган эди.
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Россия ҳукумати бунга рози бўлди
Иқтисодий жиҳатдан Молдова фақат Россия билан ҳамкорликда ривожлана олади
