Венеция кинофестивалининг бош соврини «Жокер»га насиб этди

Режиссёр Тодд Филлипснинг «Жокер» фильми 76-Венеция кинофестивали бош соврини «Олтин шер»ни қўлга киритди, дея хабар бермоқда Meduza. Бу фильмда бош ролни Хоакин Феникс ижро этган. Мукофот кинофестивалнинг 7 сентябрь куни бўлиб ўтган ёпилиш маросимида ўз эгаларига топширилди.

Энг яхши режиссёрга бериладиган «Кумуш шер» мукофотига эса «Чексизлик ҳақида» («About Endlessness») номли фильми учун Рой Андерсон лойиқ кўрилди.

Роман Поланскининг «Дрейфус иши» («J’accuse») номли фильми фестиваль ҳакамлар ҳайъатининг махсус соврини билан тақдирланди.

Лука Маринелли «Мартин Иден» фильмидаги ижроси учун энг яхши актёр, Ариан Аскарид «Глория Мунди» фильмидаги роли учун энг яхши актриса деб топилди.

Энг яхши сценарий учун мўлжалланган мукофот эса «Черри Лейндаги 7-уй» («No.7 Cherry Lane») анимацион лентаси учун хитойлик режиссёр Юнфанга насиб этди.