Вафот этган наманганлик аёлнинг қизига: "Сиз айбдор эмассиз. Аллоҳ раҳматига олсин"

Бугун, афсуски, нохуш хабар эшитдик. Коронавирусга чалинган наманганлик 72 яшар аёл вафот этди. Аллоҳ раҳматига олсин.

Ҳозир ҳаммадан ҳам ўша аёлнинг қизига қийин. Чунки қизи чет элга бориб, вирус юқтириб қайтган ва ундан аёлга ҳам юққан. Бу оғир вазият, жуда оғир. Аммо шуни алоҳида таъкидлардикки, марҳуманинг бошқа оғир дарди ҳам бор экан. Яъни у айнан коронавирусдан вафот этмаган. Қолаверса, Яратган Эгамнинг ҳукми бу. Аслида, 72 ёшга кириш ҳам бахт. Аллоҳ марҳуманинг жойини жаннатда қилсин. Ўлим ҳақ, қисматга ўлим битилганда унинг сабаби муҳокама қилинмайди.

"ANIQ.UZ" марҳуманинг оиласига, қизига ҳамдардлик билдиради. Ўзингизни қўлга олинг. Бу Аллоҳнинг ҳукми, сиз айбдор эмассиз. Онамизнинг қолган умрини набираларига қўшиб берсин Аллоҳим. Барчамизнинг бошимизда бор қисмат бу. Инна лиллаҳи ва инна илайҳи рожиун.