Маълумки, жорий йилнинг 22 декабрь куни Олий Мажлис Қонунчилик палатаси депутатлари ва маҳаллий кенгашлар депутатлари сайлови бўлиб ўтади. Ўзбекистон Республикаси Марказий сайлов комиссияси кутилаётган сайловга “Янги Ўзбекистон – янги сайловлар” дея оламшумул ном бермоқда. Аслида-чи? Ўзбекистонда сайлов тизими қанчалик янгиланди? Одамлар-чи, одамларнинг сайловга нисбатан муносабати ўзгардими? QALAMPIR.UZ ушбу савол билан Демократия ва инсон ҳуқуқлари институти директори, юридик фанлари номзоди, Адлия полковниги Сайёра Хўжаевага юзланди.
“Мана, сайлов (жараён)лар кетяпти. Бўлажак депутатларнинг айримларини кўриб, хафа бўлиб кетдим. Чунки, айримларнинг савияси шу даражада ўтган асрда қолиб кетганки, улар эртага мабодо қандайдир тасодифлар билан сайланиб қолса, бизнинг тақдирмизни ҳал қилади.
Бунга қайсидир маънода ўзимиз ҳам айбдормиз. Чунки, сайловларга чиқиб, иштирок этиб, керак бўлса савияли, иқтидори юксак инсонларга овоз бериш ўрнига... Европада хавфсизлик ва ҳамкорлик ташкилоти бизни шунинг учун ҳам танқид қилади.
Бу Ўзбекистонга хос эмас, бутун Ўрта Осиёда шундай. Марказий сайлов комиссиясида ишлаганимда кузатувчи бўлиб иштирок этганман. Тожикистон, Қозоғистон, Қирғизистонда ҳам худди шундай вазият. Чунки бирданига стереотипларни ўзгартириш қийин. Бунинг учун авлодлар алмашинуви керак ва мен ўйлайманки, биздан кейинги авлод, масалан, сизлар албатта бошқача ёндашасизлар. Лекин сизларнинг ораларингизда ҳам ҳар хили бор, хафа бўлманг”, дейди Сайёра Хўжаева.
Ботир Қодиров Зоҳиршоҳ Жўраевни судга берди. Сабаби маълум (ФОТО)
Озодбек Назарбеков Ботир Қодиров ва Жўраевлар ҳақида: “Учта тирранча буюк санъаткорни лойга булғамоқда”
Россия ҳукумати бунга рози бўлди
