Ўзбекистонда пандемия вақтида интернет тезлиги қанчага ошди?

2020 йил 1 июнь ҳолатига кўра, Ookla компаниясининг Speedtest.net сервиси коронавирус интернет глобал суръатига таъсир қилганини эълон қилди, деб ёзмоқда АКТ вазирлиги ахборот хизмати.

Бунинг натижаларга кўра, Ўзбекистонда интернет тезлиги 6 фоизга (Fixed Speed Change), мобил интернет тезлиги эса 18 фоизга (Mobile Speed Change) кўтарилган, дейилади вазирлик хабарида.

Жаҳон миқёсида коронавирус пандемияси шароитида интернетнинг ўртача тезлиги 1 фоизга (Fixed Speed Change), мобил интернет тезлиги 7 фоизга ўсган (Mobile Speed Change).

Қайд этилишича, Ўзбекистонда интернет тезлиги 6 фоизга (Fixed Speed Change), мобил интернет тезлиги 18 фоизга (Mobile Speed Change) кўтарилган.

“Таъкидлаш керакки, охирги йилда интернет тезлиги бўйича ижобий ўзгаришлар амалга оширилди. Жумладан, 2020 йил апрель ҳолатига интернет тезлиги бўйича рейтингида Ўзбекистон 94-поғонани эгаллаган. Яъни, бир йил давомида 37 поғонага кўтарилиб 131-ўриндан 94-поғонадан жой олди. Ўзбекистонда охирги йил натижаларига кўра интернет тезлиги қарийб 2,3 баробарга ўсган. 2019 йил март ҳолатига кўра 11,62 Мбит/с бўлган бўлса, 2020 йил апрель ҳолатига кўра 25,88 Мбит/с. гача кўтарилди. 2020 йил 1 июнь ҳолатига кўра эса Ўзбекистонда интернет тезлиги 27,12 Мбит/с.ни ташкил этди.

Бундан ташқари, охирги ой натижаларига кўра мобил интернет тезлиги ҳам ўсмоқда: биргина 2020 йил апрель ҳолатига мобил Интернет тезлиги 9,68 Мбит/с. ташкил қилган бўлса, бир ой ичида мазкур кўрсаткич 11,92 Мбит/с.гача ўсди”, - дейилади вазирлик маълумотида.