2025 йили 19 ёшгача бўлган ўғил болалар ўртасидаги Жаҳон чемпионатига Тошкент шаҳри мезбонлик қилади.
Бу ҳақда Ўзбекистон волейбол федерацияси ахборот хизмати хабар берди.
Терма жамоалар орасида бизнинг таркиб ҳам бор.
Маълумот учун, шу йилнинг 6-12 октябрь кунлари Шри-Ланка давлатининг Коломбо шаҳрида «CAVA U20 Menʼs Volleyball Championship 2024» мусобақаси бўлиб ўтганди.
Унда 20 ёшгача бўлган эркаклар миллий терма жамоамиз ҳам иштирок этганди.
Қирғизистон, Непал, Туркманистон, Малдив ва Шри-Ланка жамоалари устидан ғалаба қозониб, финал босқичига чиққанди. Финал учрашувида Непал жамоасини 3:1 хисобида мағлуб этиб, Марказий Осиёда чемпионликни қўлга киритиб, олтин медалга сазовор бўлганди.
