Ўзбекистон ёшлари ўртоқлик ўйинида Қозоғистонни мағлуб этди

Равшан Ҳайдаров бошқарувидаги Ўзбекистон U21 терма жамоаси бугун Тошкентда Қозоғистон ёшлар жамоасига қарши илк ўртоқлик ўйинини ўтказди.

Баҳснинг катта қисмида ҳисоб очилмади. Ваҳоланки, ўйиннинг 2-дақиқасида гол уришимиз мумкин эди, аммо рақиб дарвозабони тўпни майдондан ташқарига чиқариб юборишга улгурди.

84-дақиқада эса қозоғистонлик марказий ҳимоячи хатога йўл қўйиши оқибатида Фирдавс Абдураҳмонов тўпни эгаллаб олди ва псобон билан яккама-якка вазиятга чиқиб, дарвозани ишғол қилди.

Ушбу жамоалар ўртасидаги иккинчи учрашув 14 октябрь куни бўлиб ўтади.

U21 ўртоқлик ўйини.
Ўзбекистон - Қозоғистон - 1:0 (0:0)
Гол: Фирдавс Абдураҳмонов (84)