Бундай фикрни Тожикистон Миллий фанлар академияси илмий ходими Камолиддин Камолов билдирди.
Унинг тушунтиришича, умумий товар айирбошлаш аллақачон 500 млн $лик чегарадан ошиб кетди ва Эмомали Раҳмоннинг яқинда қўшни республикага ташрифидан кейин бу кўрсаткич ўсиши кутилмоқда.
“Бу постсовет ҳудудидаги икки томонлама ҳамкорликнинг энг яхши намунасидир”, — деди эксперт.
Камоловнинг сўзларига кўра, муносабатларнинг ижобий динамикасини турли соҳаларда – савдо-иқтисодий йўналишдан тортиб маданий-гуманитаргача бўлган фаол шерикчилик, шунингдек, чегараларни демаркация ва делимитация қилиш жараёнининг якунланишини белгилаб беради.