Бугун 23 июль, 2019 йил, сешанба

O'ZB

Ўзбекистон ҳукумати энергоресурслар тарифларини оширмоқчи

Ўзбекистон ҳукумати энергоресурслар тарифларини оширмоқчи

Ўзбекистон ҳукумати энергоресурслар тарифларини оширмоқчи. Ушбу масала Ўзбекистон президенти Шавкат Мирзиёев раислигида 5 июль куни ўтказилган видеоселектор йиғилишида кўриб чиқилган.

Ўзгаришлар амалга оширилиши муддати ҳозирча эълон қилингани йўқ.

Президент матбуот хизматида таъкидланишича, охирги икки йилда аҳоли, ижтимоий ва ишлаб чиқариш объектларини узлуксиз электр энергияси ва табиий газ билан таъминлаш борасида қатор ишлар амалга оширилган.

"Ушбу йўналишдаги ишларни янада яхшилаш мақсадида тегишли тармоқларни модернизация қилиш, энергия тежамкор технологияларни қўллаш ва харажатларни оптималлаштириш талаб этилмоқда. Буларсиз тармоқларнинг молиявий аҳволини яхшилаш ва соҳага фаол инвестицияларни жалб қилиш имконсиз", - дейилади хабарда.

Айни пайтда аҳоли учун тарифларни кескин оширмасдан, инфляция даражасига яқин миқдорда ўзгартириш бўйича таклифлар ишлаб чиқилган. Тариф ислоҳотлари халққа енгил бўлиши учун энг кам иш ҳақини ҳам ошириш режалаштирилган.

Президент тарифларни тартибга солиш бўйича таклиф этилаётган ислоҳотларни аҳолига тўлиқ етказиш зарурлигини таъкидлаган.

"Солиқ ислоҳотларини тарғиб қилиш бўйича Республика ишчи гуруҳи аъзолари, шунингдек, маҳаллий кенгашлар депутатлари, иқтисодиёт ва коммунал хизмат кўрсатиш ташкилотлари мутасаддилари жойларга бориб, ҳар бир маҳаллада аҳолига тарифлар ўзгаришининг мазмун-моҳиятини тушунтириш бўйича вазифалар белгиланди", - дейилади хабарда.

Йиғилишда солиқ ислоҳотларини тарғиб қилиш бўйича Республика ишчи гуруҳи аъзолари, шунингдек, маҳаллий кенгашлар депутатлари, иқтисодиёт ва коммунал хизмат кўрсатиш ташкилотлари мутасаддилари жойларга бориб, ҳар бир маҳаллада аҳолига тарифлар ўзгаришининг мазмун-моҳиятини тушунтириш бўйича вазифалар белгиланди.

Эслатиб ўтамиз, илгарироқ ҳукумат табиий ва суюлтирилган газ, шунингдек электр энергия нархи 1 июньдан бошлаб такрорий оширилиши бўйича чиқарилган қарорни бекор қилган эди.

Киритилди: 14:25 06.07.2019. Ўқилди: 516 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади, ва телефон ракамни тасдиклаш керак булади!