Ўзбекистон Республикаси Бош прокуратураси ҳузуридаги Мажбурий ижро бюроси Наманган вилоят бошқармаси, шаҳар ва туманлар бўлимлари томонидан электр, газ узатиш ва газ тақсимлаш тармоқларига ноқонуний уланиш, талон-торож ҳолатларини бартараф этиш ва олдини олиш бўйича мунтазам равишда тезкор тадбирларни ўтказиб келишмоқда.
Хусусан, жорий йилнинг 13 март куни Мажбурий ижро бюроси Учқўрғон тумани бўлими томонидан Бўстон маҳалла фуқаролар йиғини Қўшчинор кўчасида яшовчи фуқаро У.Хайитов хонадони кўздан кечирилганда антиқа яширин тармоқни аниқладилар. Гап шундаки, мазкур хонадон электр энергиясидан ўғринча фойдаланиш мақсадида девор ичидан тармоқ тортиб, устини ҳеч ким билмагандек замонавий тарзда бўёқлаган. Ҳеч ким билмайди қабилида иш тутиб юрган хонадоннинг бу ихтироси тадбир мобайнида маълум бўлди.
Мазкур ҳолат бўйича истеъмолчи белгиланган тартибда тармоқдан узилиб, тегишли далолатнома расмийлаштирилди.
Умуман олганда, туманда жорий йилнинг 1 мартга қадар электр энергиясидан фойдаланиш қоидаларини бузган 42 нафар истеъмолчи аниқланган ҳамда таъминотчи корхоналарга 146,9 миллион сўм зарар етказилган. Барча қоидабузар истеъмолчиларга нисбатан Ўзбекистон Республикасининг Маъмурий жавобгарлик кодексининг 101-моддасига асосан ижро иши қўзғатилиб, етказилган зарар суммаси ва жарималар ундирилмоқда.
Ботир Қодиров Зоҳиршоҳ Жўраевни судга берди. Сабаби маълум (ФОТО)
Озодбек Назарбеков Ботир Қодиров ва Жўраевлар ҳақида: “Учта тирранча буюк санъаткорни лойга булғамоқда”
Афзал Рафиқов ўша машҳур овозини йўқотди. Нега? (ВИДЕО)
