Туркия ҳукумати электрон сигарет, электрон чилимлар, уларнинг таркибий қисмлари ва аралашмаларини олиб киришни тақиқлади. Бу ҳақда мамлакат савдо вазири Рухсор Пекжан маълум қилди.
"Бугун президент Ражаб Тоййиб Эрдўған томонидан имзоланган электрон сигарет, электрон чилимлар, уларнинг таркибий қисмлари ва аралашмаларини олиб киришни тақиқлаш тўғрисидаги қонун расман эълон қилинди", - деб ёзди у ўзининг Twitter саҳифасида.
Вазир электрон сигаретларнинг саломатлик учун хавфли эканлигини таъкидлаб ўтган.
Аввалроқ АҚШ касалликлар профилактикаси ва назорат маркази электрон сигарет чекувчилар орасида ўпка ва респиратор касалликларига чалиниш кўпайиб бораётганлигини билдирганди.
Касалликларнинг эҳтимолий сабаби Е витамини ва мой аралашмаси деб айтилмоқда.
Канадада ҳам электрон сигарет чекувчи ўсмирда нафас олиш йўлларининг жиддий зарарланиши аниқланганди.
Manba: kun. uz
Украина президенти Россия билан музокараларга тайёр эканини айтди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Зеленский Украина мудофааси қулаганини тан олди
