Туркияда россиялик сайёҳларни Кападокияга олиб кетаётган автобусда авария юз берган. Воқеа натижасида бир Россия фуқароси вафот этиб, яна 26 киши турли даражадаги тан жароҳати олган.
Россиянинг Анқарадаги элчихонаси Фейсбукда автобус зовурга тушиб, ағдарилиб кетгани ҳақида хабар тарқатган. Хабарларга кўра, Россиянинг 32 нафар сайёҳи бўлган автобус Коня - Оқсарой йўналиши бўйича ҳаракатланиб, соат 09:30 атрофида бўлган фалокатга учраган.
«Йўл-транспорт ҳодисасида 26 нафар Россия фуқароси жароҳат олди. Россиялик сайёҳлардан бирининг ўлими ҳақида расмийлар тасдиқлаганлиги ҳақида хабар беришдан афсусдамиз. Ярадорлар Коня ва Селчухан аҳоли пунктларидаги энг яқин касалхоналарга етказилган», - дейилади хабарда.
Маълум бўлишича, Россия элчихонасининг икки ходими зудлик билан воқеа жойига жабрланган русларга консуллик ёрдами кўрсатиш ва воқеа шароитларига ойдинлик киритиш учун борган.
“Анталиядаги элчихона ва бош консуллик маҳаллий ҳокимият билан алоқада. Биз марҳумнинг оила аъзолари ва дўстларига ҳамдардлик билдирамиз, жароҳат олганларнинг тезроқ соғайиб кетишини тилаймиз”, - дейилади дипломатик ваколатхона хабарида.
Украина президенти Россия билан музокараларга тайёр эканини айтди
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
