Туркия ғарбидаги Баликесир вилоятининг Синдирги туманида содир бўлган зилзила оқибатида бир киши ҳалок бўлди.
Бу ҳақда ички ишлар вазири Али Ерликая маълум қилди.
Унинг сўзларига кўра, вайроналар остидан чиқариб олинган кекса киши шифокорларнинг уринишларига қарамай вафот этган. Вайрон бўлган бино вайроналари остидан яна бир неча киши қутқариб олинди, жами 29 киши тан жароҳати олди.
Вазир табиий офат ҳудудида икки кун қолишини таъкидлади.
Эслатиб ўтамиз, зилзила кучи 6,1 магнитудани ташкил этган, эпицентри 11 км чуқурликда жойлашган.