Исроил ва Миср ҳукуматлари АҚШ президенти Дональд Трампни исроиллик асирларни қайтариш ҳамда Ғазода ўт очишни тўхтатиш бўйича кўрсатган саъй-ҳаракатлари учун олий давлат орденлари билан тақдирлашга қарор қилди.
Исроил президенти девонидан берилган баёнотга кўра, Дональд Трамп мамлакатнинг энг олий мукофоти — Президентлик фахрий медали билан тақдирланади. Ҳужжатда таъкидланишича, Трамп бу мукофотни “исроиллик маҳбусларни ўз ватанига қайтаришдаги хизматлари учун” олмоқда.
Баёнотда қайд этилишича, мукофот яқин ойларда Исроил президенти томонидан расман топширилади.
Шарм-аш-Шайх тинчлик саммити арафасида Миср президентлик идораси томонидан эълон қилинган баёнотда, Дональд Трампга мамлакатнинг энг олий шарафи — Нил ордени топширилиши маълум қилинди.
Ҳужжатга кўра, мукофот “низорларни ҳал этишга қўшган катта ҳиссаси ва Ғазога ҳужумларни тўхтатишдаги муҳим роли учун” берилади.
Аввалроқ Миср президенти Абдулфаттоҳ ас-Сисий Трампни Ғазода ўт очишни тўхтатиш бўйича келишувга воситачилик қилгани учун “Тинчлик бўйича Нобел мукофотига муносиб” деб баҳо берган эди.
Худди шундай чақириқ Исроил бош вазири Биньямин Нетаняху идорасидан ва президент Исаак Герцогнинг мурожаатида ҳам айтилган — улар Трампни тинчлик учун Нобел мукофотига тавсия этган.
Шу билан бирга, Оқ уй Нобел қўмитасининг 2025 йилги Тинчлик мукофотини Трампга бермаслик тўғрисидаги қароридан норозилик билдириб, қўмитани “тинчлик тамойилларига эмас, балки сиёсий манфаатларга амал қилаётганликда” айблади.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Москва суди фақат Ўзбекистон ва Қирғизистон фуқаролари ишга олиниши кўрсатилган эълонларни тақиқлади
