2020 йилнинг 13 январь куни Тошкент вилоятининг Оҳангарон туманидаги “Чинор” ЙПХ масканида хизмат олиб бораётган туман ИИБ йўл-патруль хизмати инспектори Я.Тошев томонидан Ангрен шаҳридан Наманган вилояти томонига ҳаракатланиб келаётган Андижон вилоятининг Балиқчи туманида яшовчи фуқаро 33 ёшли У.М. бошқарувидаги “Nexia-2” русумли автомашина тўхтатиб текширилган вақтда, унинг йўловчилари 22 ёшли И.С.нинг ёнидан бир дона 100 АҚШ доллари ва икки дона 50 АҚШ доллари купюрасидаги ҳамда 23 ёшли Т.Х.нинг ёнидан йигирма бир дона 50 АҚШ доллари ва икки дона 100 АҚШ доллари купюрасидаги пуллари борлиги аниқланиб, умумий 1450 АҚШ доллари миқдоридаги пуллар шубҳа туғдирганлиги сабабли текшириб кўришлик учун ашёвий далил тариқасида расмийлаштириб олинган.
Суд-техник экспертиза хулосасида, И.С. ва Т.Х.лардан олинган 1450 АҚШ доллари миқдоридаги пуллар қалбаки эканлиги ва АҚШда ишлаб чиқарилган номинал пул купюрасига мос келмаслиги қайд этилган.
Ҳолат юзасидан Оҳангарон тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 176-моддаси 2-қисми “в” банди (бир гуруҳ шахслар томонидан олдиндан тил бириктириб қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилган ҳамда У.М. ва Т.Х.лар процессуал тартибда ушланганлар.
Дастлабки тергов ҳаракатлари давом эттирилмоқда.
Ботир Қодиров Зоҳиршоҳ Жўраевни судга берди. Сабаби маълум (ФОТО)
Афзал Рафиқов ўша машҳур овозини йўқотди. Нега? (ВИДЕО)
Фарғонада пул беришни ваъда қилиб, ўсмир билан жинсий алоқа қилган йигит ушланди
