Учтепа туман ички ишлар бўлими ва прокуратураси масъуллари иштирокида бўлиб ўтган учрашувда тумандаги Чилонзор 11-мавзесида содир этилган Ўзбекистон Республикаси ЖКнинг 131-моддаси 2-қисми билан қўзғатилган жиноят иши муҳокама қилинди.
Аниқланишича, 2021 йил 13 январь куни фуқаро М.С. фоҳишахона ташкил этиш йўли билан моддий даромад орттириш мақсадида ўзи вақтинча ижарада туриб яшаб келган уйида номақбул ишлар билан шуғулланган.
Йиғилишда сўз олганлар, ҳақиқатдан мазкур жиноятни олдини олиш имконияти бўлганлиги, бу масала тўғрисида маҳаллада яшовчи фуқаролар орасида тушунтириш ва ташвиқот ишлари кенг йўлга қўйилиши ва бундан кейин бу каби жиноятларни олдини олиш чоралари жадаллаштирилиш лозимлигини таъкидлашди.