Бугун 28 март, 2024 йил, пайшанба

O'ZB

Тошкент вилоятида эркак $1500га ўз аёлини ўлдириш учун буюртма берди

Тошкент вилоятида эркак $1500га ўз аёлини ўлдириш учун буюртма берди

Тошкент вилоятида эркак 1500 АҚШ доллари эвазига ўз аёлининг ўлимини ташкиллаштирмоқчи бўлди.

UzNews.uz нинг ҳуқуқни муҳофаза қилиш органларидаги манбасининг хабар беришича, 11 февраль куни Тошкент вилояти ИИБга Чирчиқ шаҳрида яшовчи 1970 йилда туғилган фуқаро Б.Ю. ариза билан мурожаат қилиб, ўз аризасида таниши Қибрай туманида яшовчи 1981 йилда туғилган фуқаро Д.А. собиқ турмуш ўртоғи 1979 йилда туғилган фуқаро Ш.М.ни ўлдириши учун унга 1500 АҚШ доллари ваъда қилаётганлиги хақида маълум қилган.

Ушбу ҳолат юзасидан ўтказилган тезкор тадбир давомида, 13 февраль куни соат 20:00да Б.Ю. буюртмачи Д.А. билан учрашиб, унга қотиллик жинояти содир этилганлиги сахналаштирилган фото суратлар ҳамда собиқ турмуш ўртоғига тегишли аёллар сумкаси берилганидан сўнг буюртмачи Д.А. ишни битирганлиги учун фуқаро Б.Ю.га келишилган пулдан 400.000 сўмини бераётган вақтида далилий ашёлар билан қўлга олинган.

Мазкур ҳолат юзасидан Тошкент вилоят прокуратураси томонидан фуқаро Д.Ю.га нисбатан Ўзбекистон Республикаси Жиноят Кодексининг 25/97-моддаси 1-қисми билан жиноят иши қўзғатилиб, эҳтиёт чораси сифатида қамоққа олинган.

Киритилди: 16:19 16.02.2019. Ўқилди: 2862 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!