Айтилишича, Покистон Афғонистонга инсонпарварлик ёрдамини етказиш учун самолёт юборган. Шундан сўнг бу самолёт ортга махфий ҳужжатларни олиб қайтгани тўғрисида хабарлар тарқалган. «Бу — тарғибот. Покистон самолётлари Қандаҳор, Балх ва Кобулга ёрдам етказиб бериб, ортга бўш қайтди», дейилган ҳаракат билдирган муносабатда.
«Толибон» ҳаракати ҳукумат кучларига қарши ҳужумини кучайтириб, 15 августда Кобулга кирган ва 16 августда уруш тугаганини эълон қилган. 31 августга ўтар кечаси АҚШ ҳарбийлари Кобул аэропортини тарк этиб, АҚШнинг Афғонистондаги 20 йиллик ҳарбий миссиясини тугатган. 6 сентябрь куни «Толибон» ҳаракати Афғонистоннинг таслим бўлмаган охирги вилояти Панжшерни ўз назоратига олганини эълон қилган. 7 сентябрь куни Афғонистон муваққат ҳукуматининг таркиби эълон қилинган.
