Суриялик исёнчилар Ҳалабда Башар Асад режими кучларига ҳужум қилиб, бир қанча қишлоқларни назорат остига олди
Бу 2020 йилдаги сулҳ битимидан кейин томонлар ўртасидаги биринчи йирик тўқнашувдир.
27 ноябрда бошланган ҳужумга “Ал-Қоида”нинг Суриядаги собиқ бўлими жангчилари томонидан бошқариладиган “Ҳайят Таҳрир аш-Шом” гуруҳи бошчилик қилмоқда. Улар ўз ҳаракатларини президент Асад кучларининг яқинда уюштирган ҳужумларига жавоб сифатида баҳоладилар.
Исёнчилар 13 та аҳоли пунктини, жумладан стратегик аҳамиятга эга бўлган Урм-ас-Сугра ва Анжара шаҳарларини, 46-базани (Асад режимнинг ғарбий Ҳалабдаги энг йирик базаси) эгаллаб олгани, шунингдек, ҳукумат кучларига тегишли бўлган қуроллар ҳамда транспорт воситаларини қўлга киритганликларини маълум қилишган.
Ҳужум пайтида ҳукуматнинг 37 нафар аскари ҳалок бўлган. Бундан ташқари, Башар Асад томонида жанг қилаётган Россия махсус кучлари жангчилари ҳам йўқотишларга учраган бўлиши мумкин.
Эркинжон Турдимовнинг янги иш жойи маълум бўлди
Россия рубли ҳам қулади
Франция ҳам очиқчасига Россияга қарши бош кўтарди
