Спалетти "Ювентус" бош мураббийига айланди

Туриннинг "Ювентус" клуби Лучано Спалеттини бош мураббий этиб тайинлади.

Оқ-қоралар клуби баёнотида 66 ёшли италиялик мураббий билан мавсум охиригача шартнома имзолангани қайд этилган.

2022-23 йилги мавсумда "Наполи" билан А Серия чемпионлигини қўлга киритган Спалетти 2023 йил сентябридан 2025 йилнинг июнигача Италия терма жамоасини бошқарган.

Чемпионлар лигаси ва А Сериядаги сўнгги 8 учрашувда ғалаба қозона олмаган “Ювентус” 27 октябрь куни бош мураббий Игор Тудор билан хайрлашди.