Бугун 28 март, 2024 йил, пайшанба

O'ZB

Сизу биз билган машҳур жиноятчи бутун умрга "кесилди"

Сизу биз билган машҳур жиноятчи бутун умрга "кесилди"

АҚШ El Chapo (Пакана) лақабли наркобарон Хоакин Гусманни умрбод қамоқ жазоси ва қўшимча 30 йилга қамаш ҳақида ҳукм чиқарди. У шунингдек $12 млрд жарима тўлаши керак бўлади. Бу ҳақда "Минбар" ёзмоқда.

Дунёда энг хавфли Синалоа наркокартелини бошқарган мексикалик Хоакин Гусманни Нью-Йорк федерал суди 10 та эпизод бўйича, хусусан катта миқдорда пул ювиш ва наркотрафикда айбдор деб топган.

АҚШни героин, метамфетамин каби наркотиклар билан тўлдириб ташлаган Пакана 2009 йилда Forbes рўйхатига кирган эди. Дунёнинг энг бой одамлари орасида у 701-ўринни олган.

Пакананинг қўл остидагилар судда у юзлаб одамни шахсан ўлдиргани, зўрлагани ва қийнагани ҳақида кўрсатма берган.

Хоакин Гусман Мексикада бир неча марта қаттиқ қўриқланадиган қамоқхонадан қочишга муваффақ бўлган. Охиргисида Гусман 2015 йил июлида алоҳида қўриқланадиган қамоқхонадан хонасигача қазилган бир неча километрлик ерости йўли орқали махсус мотоциклда қочиб кетганди.

Мексикада ҳукумат ва наркокартеллар ўртасида ҳозиргача давом этаётган урушда 100 мингдан кўпроқ одам ўлган.

Киритилди: 14:07 18.07.2019. Ўқилди: 4979 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!