"Муносабат" кўрсатувининг навбатдаги сони Президентнинг Конституция қабул қилинганлигининг 26 йиллигига бағишланган тантанали маросимдаги маърузасида кўтарилган долзарб муаммолар муҳокамасига бағишланди.
Кўрсатувда баҳс-мунозаралар давомида сўз олган отахон ўтган йили Шавкат Мирзиёевнинг Яшнобод туманига ташрифи чоғида маҳалла фаоллари билан учрашув арафасида уларни "яхшилаб тайёрлашгани", "Президентни мақтайсан, сиёсатни мақтайсан" деб роса уқтиришганини ошкор қилди.