Бугун 29 март, 2024 йил, жума

O'ZB

Сирлар очилмоқда: Хитой ёзда бир қанча касб эгаларини синалмаган вакцина билан эмлади. ЖССТ эса...

Сирлар очилмоқда: Хитой ёзда бир қанча касб эгаларини синалмаган вакцина билан эмлади. ЖССТ эса...

Хитой ёзда бир қанча соҳада фаолият олиб борадиган одамларни ҳали синовлардан тўлиқ ўтиб улгурмаган вакцина билан фавқулодда эмлаганди. Хитой расмийларидан бирининг айтишича, Жаҳон Соғлиқни Сақлаш Ташкилоти бу ҳаракатни маъқуллаган. Лекин баъзи экспертлар Хитойнинг ушбу фавқулодда эмлаш даструри ҳақида хавотирларини билдиришганди.

Хитой миллий соғлиқни сақлаш комиссияси ходими Зенг Зонгвейнинг 25 сентябрь куни берган маълумотларига кўра, Хитой фавқулодда вакцинация қилиш ишларини июль ойининг бошида бошлаган. Бундан олдин Пекин ЖССТ билан бу масалани маслаҳат қилган. Мазкур дастурга биноан коронавирусни юқтириб олиш хавфи юқори бўлган юз минглаб ишчилар ва бошқа соҳа вакиллари вакцинация қилинган. Лекин, ўшанда ишлатилган вакцинанинг хавфсизлиги ва самараси ҳали исботланмаганди. Бу эса экспертларнинг хавотирланишига сабаб бўлди.

“Июнь ойининг охирида Хитой давлат қўмитаси CОVID-19 га қарши фавқулодда эмлаш дастурини маъқуллади. Шундан кейин 29 июнь куни ЖССТнинг Хитойдаги офиси вакиллари билан боғландик ва улар бу дастурни қўллаб-қувватлашларини билдиришди” дейди Зенг.

ЖССТнинг бош директори ёрдамчиси доктор Мариангела Симао дунё мамлакатлари ҳар қандай дори-дармон воситасини ўзларининг қонун-қоидаларига мувофиқ тарзда фавқулодда ишлатишга ҳақли эканини айтган.

ЖССТнинг бош олими Сумя Сваминатҳан эса коронавирусга қарши фавқулодда эмлаш бу муаммога “вақтинчалик ечим” эканини таъкидлаб, узоқ муддатли ечим вакцина учинчи босқич синовларидан ўтганидан кейин топилишини таъкидлаган.

Хитой ҳукумати ўзининг ёзда амалга оширган фавқулодда эмлаш дастури тафсилотларини ошкор қилмаган. Лекин, унда камида уч хил турдаги вакцина, хусусан, Biotec Group компаниясининг иккита вакцинаси ва Sinovac BioTechнинг битта вакцинаси ишлатилгани маълум. Ҳозирда бу учала вакцина ҳам учинчи босқич синовларидан ўтказилмоқда.

Зенгнинг айтишича, Хитойнинг CОVID-19 га қарши вакцина ишлаб чиқариш ҳажми 2020 йилнинг охиригача 610 миллион дозага, 2021 йилнинг охиригача эса 1 миллиард дозага етиши кутилмоқда. Шунингдек, Зенг Хитойда вакцина барчанинг қурби етадиган даражадаги нархда бўлишини ҳам айтиб ўтди.

Киритилди: 19:20 26.09.2020. Ўқилди: 2900 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!