Сирлар очилмоқда! 2012 йилги Олимпиа ўйинларида 90дан ортиқ британиялик спортчилар допинг истеъмол қилган

2012 йилги Лондон Олимпиадасида қатнашган камида 91 британиялик спортчи экспериментал моддани синашда иштирок этишган.

Бундай маълумотлар “Mail on Sunday” газетасида пайдо бўлди.

Маълумотларга кўра, ушбу модда Буюк Британиядаги Олимпия ва Паралимпия спортларига сармоя киритишга масъул бўлган “UK Sport” давлат агентлигининг махфий лойиҳаси доирасида синовдан ўтказилган. Шу тариқа улар олимпиададаги натижаларини яхшилашни мақсад қилишган.

Спортнинг саккиз тури бўйича спортчилар энергетик ичимликлар билан таъминланган. Модда жигарда синтезланган кетонларнинг синтетик версиясини ўз ичига олган ва турли ҳолатларга ҳамда стрессга бўлган чидамлиликни оширган.

Шу билан бирга, “UK Sport” барчага "иштирокчилар ҳақида маълумот варақасини" тайёрлаган. Ҳужжатда таъкидланишича, агентлик кетонлардан фойдаланиш Жаҳон антидопинг кодексининг талабларига мос келишига кафолат ёки ваъда бермаган. Спортчилар эса эксперимент ҳақида сукут сақлашга мажбур бўлишган.

Ва бунга рози бўлиб, ҳужжатга қўл қўйган ҳар бир британиялик спортчи барча хавф-хатарларга рози бўлган.

Модда АҚШ Мудофаа вазирлиги томонидан молиялаштирилган ҳолда Оксфорд университети олимлари томонидан ишлаб чиқилган.

2012 йилги Олимпиада ўйинларида британиялик спортчилар умумий медаллар жадвалида учинчи ўринни эгаллашган. Турнир давомида улар 29 та олтин медални қўлга киритишган.