Россия Ташқи ишлар вазирлигининг 27 октябрь куни берган хабарига кўра, вазир Сергей Лавров CОVID-19 га чалинган шахс билан алоқада бўлган. Шунинг учун Лавров ўзини изоляцияга олади.
Ташқи ишлар вазирлигининг матбуот котибаси Мария Заҳарова "Фейсбук"даги саҳифасида айни пайтда Лавров ўзини яхши ҳис қилаётганини, лекин унинг режалаштирилган ташрифлари кейинга қолдирилганини маълум қилган.
Лавров 26 октябрь куни расмий ташриф билан Грецияга борган. Юнон расмийлари билан қилган суҳбат чоғида унинг юзида ниқоб бор эди.
"Коммерсант"нинг ёзишича, Лавров коронавирус пандемияси бошланганидан бери омма олдида қилган чиқишларининг иккитасидагина юз ниқобида кўриниш берган, холос.
Сергей Лавров 28 октябрь куни Босния ва Герцогавинага боришни режалаштирганди. У шундан кейин Сербияга бориб, унинг президенти билан учрашиши керак эди.
Маълумот учун, Россия коронавирусга чалинганлар сони бўйича 1 547 774 нафар бемор билан дунёда тўртинчи ўринда турибди. Шунингдек, бу мамлакатда ҳозиргача 26 589 киши COVID-19 қурбонига айланган.
Сўнгги пайтларда Россияда коронавирус билан боғлиқ ҳолат ёмонлашмоқда. Шунинг учун рус ҳукумати сешанбадан бошлаб бутун мамлакат бўйлаб юз ниқобини тақишни мажбурий қилиб қўйди ва ресторан ҳамда барларнинг тундаги фаолиятини чеклади.
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
