Тошкентдаги Сергели туманида қурилаётган кўп қаватли уй-жойлар сифатида ҳақида узоқ гапириш мумкин. Лекин мана бу тасвирларни кўрган киши бу ҳақда керагидан ортиқ тасаввурга эга бўлади.
Телеграмдаги "Қўшни маҳалла" канали қуйидаги видео билан бирга постни эълон қилди.
Бу — Сергелидаги 8-участка, 37-уйда қурилган хонадонларнинг биридан олинган лавҳа. Бизга бу лавҳаларни юборган каналимиз ўқувчиларининг айтишича, хонадон «потологи»нинг қаерини тешсангиз ҳам сув оқиб тушаверади. Ҳар бир «точка»дан беш-олти челакдан...
Бу ҳолатни кузата туриб, бу уйларни қайси «профессионал» усталар қураётганига ҳайрон қоласан киши. Улар бу ерда эртага одам яшашини ҳисобга олганмикан? Аслида бу уйларнинг номи арзон, илло ўзи эмас. Одамлар йиллар давомида мисқоллаб йиққан ўз пулларига уйларни харид қиляпти-ку ахир?!
Шу нарса аниқки, бу уйларни қурганларнинг бирортаси буни текинга ҳам олмайди ва бу ерда боғлаб қўйсангиз ҳам яшамайди. Чунки улар бу уйларни исталган пайт сув босиб кетиши мумкинлигини, девори қўпорилиб тушишини, умуман, уйнинг бу сифати узоққа бормаслигини яхши билишади.
Ҳаммага инсоф берсин. Айниқса қурувчиларга. Айниқса, Сергелидаги қурувчиларга.
P.S: Қурилиш вазирлиги, Тошшаҳар қурилишинвест компанияси ва ҳокимликдан ушбу масалада изоҳ кутамиз.
