— Саййид (эшон) ва хўжалар авлодидан бўлган қизларни “қора”ларга узатиб бўлмайди, қон билан суяк аралашиб кетмаслиги керак, дейишади. Биз томонларда мана шу ақидага қаттиқ амал қилишади. Бу хусусда бирор далил келганми?
— Бу асоссиз гап. Қуръонда ҳам, ҳадисда ҳам бундай гап келмаган. Расулуллоҳ соллаллоҳу алайҳи васалламнинг қиз ва набиралари турмушга чиқаётганларида бундай шартлар қўйилмаган. Ўша саййид, эшон ва хўжаликни даъво қилаётганлар ундан кўра суннатни ўрнига қўйиб амал қилишсин. Валлоҳу аълам.
Одинахон Муҳаммад Содиқ
