Самарқанд агроинновациялар ва тадқиқотлар институти халқаро ҳамкорликни кенгайтирмоқда

Куни кеча Самарқанд агроинновациялар ва тадқиқотлар институтига Малайзиянинг расмий ва ишбилармон доира вакилларидан иборат делегация ташриф буюрди.

Делегацияни институт ректори Шавкат Ҳасанов кутиб олди ва институт фаолияти, бугунги кунгача эришилган ютуқлари, мавжуд имкониятлар билан таништирди.

Учрашув давомида сўнгги йилларда қишлоқ хўжалиги соҳасида салоҳиятли кадрлар тайёрлаш масаласи ҳамда ушбу соҳада юзага келаётган муаммолар ва уларнинг ечимлари, жумладан, органик қишлоқ хўжалигини ривожлантириш, қишлоқ хўжалиги маҳсулотларини сертификатлаш, пестицидлардан ҳоли маҳсулотлар арзон маҳсулотлар ишлаб чиқариш, маҳсулотларни қайта ишлаш ҳажмини ошириш ҳақида музокаралар олиб борилди. Икки томон вакиллари истиқболли йўналишлар, ҳамкорликни янада ривожлантириш масалалари бўйича фикр алмашди.

Ташриф якунида ўқув ва илмий соҳада ҳамкорликни кучайтиришга келишиб олинди.