10 ноябрь куни Британия ҳукумати Белоруссия элчиларини ўз ҳудудидан чиқариб юборди. Бу 9 ноябрь куни Белоруссиянинг британиялик элчиларини ҳайдаб юборганига жавоб тариқасида амалга оширилди, дея хабар берди Британия Ташқи ишлар вазири Доминик Рааб.
«Биз бугун Лукашенконинг ҳукуматига Британия дипломатларини асоссиз равишда чиқариб юбориш ёмон оқибатларга олиб келишини билдириб қўйдик. Буюк Британия Белоруссия ҳукуматини август ойида бўлиб ўтган сохта сайловлар ва белорус халқининг намойишларини бостириш учун доимий равишда зўравонлик ишлатгани учун айбдор, деб ҳисоблашда давом этади» дейди Рааб.
Белоруссияда август ойида ўтказилган президентлик сайловидан бери ҳукуматга қарши намойишлар давом этмоқда. Аҳоли мамлакатни 26 йилдан бери бошқариб келаётган Лукашенконинг истеъфога чиқишини талаб қилмоқда. Аммо, Россия томонидан қўллаб-қувватланаётган Лукашенко ҳукуматдан кетмоқчи эмас.
Ўтган ҳафтда Европа Иттифоқи Лукашенко ва яна 14 нафар белоруссиялик амалдорга нисбатан санкциялар жорий қилган бўлиб, унга кўра ушбу рўйхатга тушган шахсларнинг Европа Иттифоқи ҳудудига кириши ва у ердаги мол-мулкларидан фойдаланиши тақиқланди.
Мазкур рўйхатда Лукашенконинг ўғли ҳам бор.
Украина президенти Россия билан музокараларга тайёр эканини айтди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
АҚШда Украина ҳақида кутилмаган баёнот берилди
